အမှုမှာကျူးလွန်သူလို့ စွပ်စွဲခံထားရသူ သုံးဦးကို လာမယ့်အောက်တိုဘာလ ၁၆ ရက် ကစပြီးပြန် စစ်ဆေးမှာလို့ သိရပါတယ်။
အဲဒီသုံးဦးဟာ ကနဦးက လူသတ်မှုပုဒ်မနဲ့ တရားစွဲခံရပေမယ့် တရားလိုဘက်က အမှုကို ရုတ်သိမ်းတာ ကြောင့် ကွင်းလုံးကျွတ်လွတ်ခဲ့တာပါ။
ဒီလိုလွတ်မြောက်တာကိုဝေဖန်မှုတွေကျယ်ကျယ်လောင်လောင်ထွက်ပေါ်ခဲ့ပြီးတဲ့နောက် သမ္မတက အမှုမှာ လာဘ်ပေးလာဘ်ယူမှုတွေပါမပါအဂတိတိုက် ဖျက်ရေးကော်မရှင်ကို စစ်ဆေးဖို့တာဝန်ပေးခဲ့တာ ဖြစ်ပါတယ်။
ကော်မရှင်က စစ်ဆေးမှုတွေပြုလုပ်ပြီးသတင်းထုတ်ပြန်ရာမှာတော့ အမှုရုတ်သိမ်းနိုင်ဖို့ လာဘ်ပေးလာဘ်ယူမှုတွေပါရှိတာကိုတွေ့ခဲ့ရတယ်လို့ပါရှိပါတယ်။
အဲဒီနောက်အဂတိလိုက်စားတဲ့သူတွေကို အရေးယူခဲ့သလို အမှုကိုလည်းပြန်လည်စစ်ဆေးခဲ့တာပါ။
အမှုကို ရန်ကုန်အရှေ့ပိုင်းခရိုင်တရားရုံးမှာစစ်ဆေးမှာဖြစ်ပြီး ဒီကနေ့ မှာတော့ ရှေ့နေပါဝါတင်တာ ၊ အမှုတွဲကိုတင်ပြတာနဲ့ရုံးချိန်းရက်ချိန်းယူတာတွေကို ပြုလုပ်ခဲ့တာလို့သိရပါတယ်။
လာမယ့်အောက်တိုဘာလ ၁၆ ရက် ရုံးချိန်းမှာတော့ တရားလိုအပါအဝင် တရားလိုပြသက်သေ ငါးဦး ကို ဆင့်ခေါ်ထားပြီး သုံးဦးကိုစစ်ဆေးမှာဖြစ်ပါတယ်။
အမှုမှာတော့ တရားလိုပြသက်သေ ၂၂ ဦးကိုတင်သွင်းထားတယ်လို့ သိရပါတယ်။
ပြီးခဲ့တဲ့ ဒီဇင်ဘာလ နှစ်သစ်ကူးညက သရုပ်ဆောင်အောင်ရဲထွေးဟာ ဝိုင်းဝန်းထိုးကြိတ်ခံရပြီး အဲဒီဒဏ်ရာတွေနဲ့သေဆုံးခဲ့တာပါ။
No comments:
Post a Comment